ADVERTISING

Breaking News

चीनले अल्पसंख्यक उइगर मुस्लिम समुदायप्रति चरम दमन गरेको बेलायतको आरोप

Uigher women grieving for their men who they claim were taken away by the Chinese authorities after Sunday's protest in Urumqi, China, Tuesday, July 7 , 2009. (AP Photo/Ng Han Guan)

एजेन्सी : बेलायतले चीनले अल्पसंख्यक उइगर मुस्लिम समुदायप्रति चरम दमन गरेको आरोप लगाएको छ । बेलायतका विदेशमन्त्री डोमिनिक रावले चीनमा मुसलमान समुदायमाथि चरम मानवअधिकारको हनन् भइरहेको बताएका हुन् ।

बेलायतका केही सञ्चारमध्यमले उइगर मुसलमानलाई चीनको सिनजियाङ प्रान्तमा रहेका शिविरमा राखेर चरम यातान दिएको भिडियो सार्वजनिक गरेपछि विदेशमन्त्रीको प्रतिक्रिया आएको हो । विदेशमन्त्री रावले चीनले आफ्ना गतिविधि तत्काल सुधार नगरे प्रतिबन्धहरु लगाउन सक्ने चेतावनीसमेत दिएका छन् ।

लामो समयदेखि चीनले अल्पसंख्यकहरुमाथि दमन गरेका प्रतिवेदनहरु सार्वजनिक भएपछि बेलायतको कडा प्रतिक्रिया आएको हो । बेलायतका लागि चिनियाँ राजदुत लियू सियामिङले भने विदेशमन्त्री डोमिनिकको आरोपको खण्डन गरेका छन् । उनले चीनले सबै नागरिकमाथि समान ब्यवहार गर्ने पनि बताएका छन् ।

चीनले अल्पसंख्यक मुस्लिमको जनसंख्या नियन्त्रण गर्न भन्दै महिला तथा पुरुषहरुलाई अनुमति बिना परिवारनियोजन गर्ने गरेको प्रतिवेदन केही समयअघि सार्वजनिक भएको थियो ।

leave a reply