न्यायाधीश-वकिल घुस लेनदेनको अडियोबारे छानविन जारी छ : कानूनमन्त्री शर्मा

काठमाडौं : कानून, न्याय तथा संसदीय मामिलामन्त्री गोविन्दप्रसाद शर्मा कोइरालाले काठमाडौंका जिल्ला न्यायाधीश राजकुमार कोइरालाको घुस लेनदेनबारेको अडियोबारे छानविन भइरहेको बताएका छन् ।

बिहीबार संसद भवन परिसरमा सञ्चारकर्मीसँग कुरा गर्दै उनले जिल्ला न्यायाधीश कोइराला र अधिवक्ता रुद्र पोखरेलबीच व्यवसायी इच्छाराज तामाङलाई धरौटीमा छुटाउनका लागि घुस लेनदेनबारे अडियो सार्वजनिक भएकाले त्यसको सत्यतथ्य पत्ता लगाउन छानविन समितिले काम गरिरहेको बताएका हुन् ।

न्यायाधीशको नियुक्ति नै गलत ढंगले हुने भएकाले न्यायालयमा विकृति र विसंगति बढदै गएको उल्लेख गर्दै मन्त्री कोइरालाले त्यसलाई हटाउन सरकारले निर्देशिका बनाउने काम अघि बढाएको स्मरण गराए ।

मन्त्री कोइरालाले न्यायालय सुधारका लागि सरकारले अभियान नै संचालन गरिएको दाबी समेत गरे । न्यायालयभित्रको गिर्दे गएको आस्थालाई जोगाउन सरकार लागिपरेको उनको भनाइ छ ।

leave a reply

Techie