भारतले नेपाललाई कोरोनाविरुद्धको एक करोड डोज खोप निःशुल्क उपलब्ध गराउने

काठमाडौं : भारतले नेपाललाई कोरोनाभाइरस विरुद्धको एक करोड डोज खोप निःशुल्क उपलब्ध गराउने भएको छ । केन्द्रीय स्वास्थ्य समितिको बैठकले नेपाल र भुटानलाई खोप उपलब्ध गराउने निर्णय गरेको हो । बंगलादेशलाई भने दुई करोड डोज खोप दिने निर्णय बैठकले गरेको हो ।

भारतले श्रीलंका, अफगानिस्तान, मौरिसस र माल्दिभ्सलाई पनि खोप उपलब्ध गराउने भएको भारतीय सञ्चारमाध्यमले जनाएका छन् ।

भारतले छिमेकी देशलाई १० करोड डोज खोप वितरण गर्ने तयारी गरेको छ । उसले सेरम इन्स्टिच्युटको कोभिसिल्ड र बायोटेकको कोभ्याक्सिन उपलब्ध गराउने भएको हो ।

भारतले दिने भनिएका खोप अर्को हप्ताबाट आपूर्ति शुरु हुने बताइएको छ । भारतले आफ्नो देशमा अघिल्लो शनिवारबाट खोप दिन शुरु गरिसकेको छ ।

leave a reply

Techie