साफ यू-१५ च्याम्पियनसिप : नेपालले बंगलादेशको सामना गर्दै

काठमाडौँ : काठमाडौँमा जारी दक्षिण एसियाली फुटबल महासंघ- साफ यू-१५ च्याम्पियनसिप अन्तर्गत समूहगत चरणको आफ्नो दोस्रो तथा अन्तिम खेलमा नेपालले आज बंगलादेशको सामना गर्दैछ।

दुवै टोली यसअघि नै सेमिफाइनल पुगिसकेका छन्। सातदोबाटोस्थित एन्फा कम्प्लेक्समा दिउँसो साढे २ बजे यी दुईबीचको खेल सुरु हुने छ। पहिलो खेलमा नेपालले मालदिभ्सलाई ४-० र बंगलादेशले मालदिभ्सलाई ९-० गोलले हराएको थियो।

समूह ‘ए’ मा नेपाल तीन अंकसहित दोस्रो स्थानमा छ। शीर्षस्थानमा रहेको बंगलादेशको पनि तीन अंक भएपनि गोल अन्तरमा नेपालभन्दा अगाडि छ। प्रतियोगिताबाट बाहिरिसकेको मालदिभ्सले अंक जोड्न सकेको छैन। समूह ‘बी’बाट पाकिस्तान विजेता र भारत उपविजेता बन्दै अन्तिम चार पुगिसकेका छन्।