“सरकार मिडियामैत्री वातावरण निर्माणमा केन्द्रित रहेको ” – प्रदीप ज्ञवाली

काठमान्डौँ : परराष्ट्रमन्त्री प्रदीप ज्ञवालीले सरकार मिडियामैत्री वातावरण निर्माणमा केन्द्रित रहेको बताएका छन । आज काठमाडौंमा वल्र्ड कम्युनिकेटर्स काउन्सिल ‘डब्लुसिसिआई’ले आयोजना गरेको कार्यक्रममा उनले सञ्चारमाध्यमको विश्वसनीयता, पारदर्शिता र व्यावसायिकता अभिवृद्धि गर्ने गरी सरकार अघि बढेको बताएका हुन् । उनले संविधानले सुनिश्चित गरेको विचार र अभिव्यक्ति स्वतन्त्रतालाई व्यवसायिकतासँग जोडर अघि बढ्न सके मात्र समृद्ध समाज निर्माण गर्न सकिने बताए ।
परराष्ट्रमन्त्री ज्ञवालीले सञ्चारमाध्यमका विषयवस्तु राष्ट्रहित, सामाजिक न्याय र समानतामा आधारित हुनुपर्नेमा जोड दिए । काउन्सिल नेपाल च्याप्टरका अध्यक्ष लक्ष्मणदत्त पन्तले मिडिया क्षेत्रका साझा समस्याबारे छलफल गरी आगामी रणनीति बनाउन सम्मेलनले सहयोग पु¥याउने विश्वास व्यक्त गरे ।