रणबीरसँग ६८ लाखको जुत्ता, दीपिकासँग एउटै घर ४० करोडको

मुम्बई : अहिले बलिउडमा दीपिका पादुकोर र रणबीर सिंहको विवाहले निक्कै चर्चा पाइरहेको छ । १४ नोभेम्बरमा कोंकणी रितिरिवाजबाट विवाह गरेको उनीहरुले आज सिंधी रितिरिवाजमा विवाह गर्दैछन् । विवाहमा चुनिएका आगन्तुकहरुलाई मात्र बोलाइएको छ । दीपिका र रणबीर बलिउडमा लोकप्रिय जोडीको रुपमा लिइन्छ ।

उनीहरुमध्ये कसले धेरै पढेको छ भन्ने चासो अहिले सबैतिर भइरहेको छ । रणबीरले अमेरिकाको इंडियाना युनिभर्सिटीबाट आर्टस्मा स्नातक गरेका छन् भने दीपिकाले भने १२ कक्षा मात्र उत्र्तीण गरेकी छिन् ।

विद्यालयको पढाईपछि दीपिकाले कलेजमा भर्ना त गरेकी थिइन् तर मोडलिङका कारण उनले कलेज विचैमा छोडेकी थिइन् । उनले आफैले एउटा अन्तर्वातामा भनेकी थिइन्, स्नातकको लागि भर्ना गरेपनि पढाईलाई अगाडी बढाउन नसकेको । पढाईको कारण उनको घरपरिवार पनि उनीसँग रिसाएका थिए ।

बलिउडको क्यारियरमा भने दीपिकाले ११ वर्षको क्यारियरमा २४ फिल्म गरिसकेकी छिन् । बलिउडमा सबैभन्दा बढी रकम लिने नायिकाहरुमध्ये दीपिकाको पनि नाम आउछ । उनले सन् २००७ मा ओम शान्ति ओमबाट बलिउडमा प्रवेश गरेकी थिइन् । अहिलेसम्म उनले बचना ए हसिनो, हाउसफुल, ककटेल, रेस २, चेन्नई एक्सप्रेस, हेप्पी न्यु ईयर, पिकु, तमाशा, बाजिराव मस्तानी जस्ता फिल्ममा अभिनय क्षमता देखाइसकेकी छिन् ।

यता, रणबीरले भने आफ्नो ८ वर्षको क्यारियरमा १३ वटा फिल्ममा काम गरेका छन् । सन् २०१० मा बैडं बाजा बारातबाट अभिनय शुरु गरेका रणबीरले लेडिज भर्सेज रिकी बहल, रामलीला, गुण्डे, दिल धडक्ने दो, बाजीराव मस्तानी, पद्मावतीमा काम गरिसकेका छन् । उनको शिवा र गल्ली ब्वाय भन्ने दुई फिल्म आउदैछ । जवकी दीपिकाको जिरो भन्ने फिल्म अतिथि कलाकारको भूमिकामा मात्र छिन् ।

महंगो कारको शौखिन दीपिकासँग दुई वटा फ्ल्याट पनि छ । उनीसँग पाँच वटा विभिन्न ब्राण्डका मंहगा मंहगा कारहरु रहेको छ । मुम्बईको बाद्रामा सात करोड रुपैयाको एउटा फ्ल्याट छ भने प्रभादेवी इलाकामा ४० करोड रुपैयाँ बराबरको अर्को फ्ल्याट छ । उनको करिव एक सय दुई करोड रुपैयाँ बराबरको सम्पत्ति रहेको छ ।

त्यसो त रणबीर पनि एक सय ३६ करोड रुपैया सम्पत्ति भएका रणबीर पनि कारका शौखिन मानिन्छन् । उनको पनि नौ करोड रुपैयाँ बराबरको गोवामा बंगला रहेको छ । त्यसको साथै मुम्बईको गोरेगांवमा पनि पनि १० करोड बराबरको अर्को बंगला रहेको छ । मुम्बईकै प्रभादेवीमा समुन्द्री किनारामा १५ करोड बराबरको फ्ल्याट रहेको छ ।

दुबै जना मंहगो कारका शौखिन रहेका छन् । दीपिकाको साथमा विभिन्न छ ब्राण्डका मंहगा कारहरु छन् भने रणबीरसँग पनि सात वटा मंहगा कारहरु रहेका छन् ।

रणबीर कारको मात्र होइन् जुत्ताको पनि शौखिन हुन् । उनीसँग करिब ६८ लाखका विभिन्न ब्राण्डका एक हजारभन्दा बढी जुत्ताको कलेक्सन रहेको छ ।

हाते व्यागको पनि शौकिन रहेकी दीपिकाले महंगो ब्राण्डका व्यागहरुको कलेक्सन नै रहेको छ । उनीसँग १८ क्यारेट रोड गोल्ड डायमण्ड जडित आठ लाख पर्ने टिसाट क्लासिक प्रिन्स डायमण्ड घडी पनि रहेको छ ।