मुम्बईमा एउटा घर भत्किँदा कम्तिमा सात जनाको मृत्यु, पैतिस जना सम्पर्कविहीन

एजेन्सी । भारतको व्यापारिक राजधानी मुम्बईका अधिकांश इलाका अझै पनि जलमग्न छन् । यसैबीच, दक्षिणी मुम्बईको डोंगरी इलाकामा एउटा घर भत्किँदा कम्तिमा सात जनाको मृत्यु भएको छ भने एघार जना घाइते भएका छन् ।

अधिकारीहरुका अनुसार अझै पनि पैतिस जना सम्पर्कविहीन छन् । पाँच तले सो भवनलाई केही दिन अघि नै जोखिमपूर्ण घोषणा गरिएपनि त्यहाँ मानिसहरु बस्दैं आएका थिए ।

यसअघि, मंगलबार पनि बाढीग्रस्त मुम्बईमा एउटा घर भत्किँदा तीन जनाको मृत्यु भएको थियो ।