प्रवेश परीक्षामा उत्तीर्ण गराइदिन्छु भनी घुस लिने दुई प्राध्यापक हिरासतमा

अख्तियार दुरुपयोग अनुसन्धान आयोगले विहीबार दुईजना प्राध्यापकलाई हिरासतमा लिएको छ । त्रिभुवन विश्वविद्यालय कीतिर्पुरका उपप्राध्यापक मनोज मिश्र र रामसागर बहुमुखी क्याम्पस, धनुषाका सहप्राध्यापक डा. विनोद मिश्रलाई अख्तियारले हिरासतमा लिएको हो । उनीहरुमाथि अख्तियारले चिकित्साशास्त्रको प्रवेश परीक्षामा उत्तीर्ण गराइदिन्छु भनी मोटो रकम लिएको अभियोगमा लगाएको छ । सोही अभियोगमा अख्तियारले यसअघि नै शिक्षा मन्त्रालयका तत्कालीन उपसचिव वेणिमाधव भट्टराईलाई पनि हिरासतमा लिएको थियो ।