प्रधानन्यायधीश मिश्रलाई गृह जिल्लामा नागरिक अभिनन्दन

रुपन्देही : प्रधानन्यायधीश ओमप्रकाश मिश्रलाई गृह जिल्ला रुपन्देहीको मर्चवारमा नागरिक अभिनन्दन गरिएको छ । स्थानीयबासिन्दा र विभिन्न संघसंस्थाले मिश्रलाई नागरिक अभिनन्दन गरेका हुन । नागरिक अभिनन्दन कार्यक्रममा प्रधानन्यायाधीस मिश्रले जनताको आशा र इच्छा अनुसार नै आफुले काम गर्ने प्रतिबद्धता जनाए ।

प्रधानन्यायाधीश मिश्रले एक छाक भोकै बसेर भएपनि बालबालिकालाई शिक्षा दिलाउन आग्रह गरे । मानिससँग शिक्षा र योग्यता भएमा पदले आफै खोज्ने, पदका लागि भौतारिन नपर्ने उनको भनाई थियो ।

प्रधानन्यायाधिश मिश्रलाई मर्चवार क्षेत्रको चार वटा गाउपालिका मायादेवी, मर्चवारी, सम्मरीमाई र कोटहीमाइ, नागरिक समाज मर्चवार र रुपन्देही प्रशासानले नागरिक अभिनन्दन र सम्मान गरेका थिए । रुपन्देहीको क्षेत्र नम्बर ४ का सांसद प्रमोद यादव, पाँच नम्बर प्रदेश सभा सदस्य वसिउद्दिन खानले कार्यक्रममा प्रधानन्यायाधीस मिश्रलाई ५१ किलोको फुलको माला लगाएर सम्मान गरेका थिए ।