पहिलो मुख्यमन्त्रीको रुपमा तीन नम्बर प्रदेशमा डोरमणि पौडेलद्वारा सपथ ग्रहण

हेटौडा । संघीय संरचना अनुसार नेपालको पहिलो मुख्यमन्त्री बनेका डोरमणि पौडेलले आज सपथ ग्रहण गरेका छन् । मुलुकभरका सात प्रदेशमध्ये मुख्यमन्त्री नियुक्त हुने पौडेल पहिलो ब्यक्ति हुन । उनि तीन नम्बर प्रदेशको मुख्यमन्त्री बनेका हुने । उनलाई प्रदेश प्रमुख अनुराधा कोइरालले आइतवार मुख्यमन्त्रीमा नियुक्त गरेकी थिइन । पौडेललाई प्रदेश प्रमुख कोइरालाले हेटौंडास्थित प्रदेश प्रमुखको कार्यालयमा पद तथा गोपनियताको सपथग्रहण गराएकी हुन् ।
पौडेलले आजै मुख्यमन्त्रीको कार्यालयमा पदभार ग्रहण गरेका छन् । प्रदेश सरकार कार्य बिभाजन, प्रदेश स्तरका केहि लेखा परिक्षण र प्रदेश सरकार कार्य बिभाजन नियमावलीमा हस्ताक्षर गरेर पौडेलले काम शुरु गरेका हुन । पदभार ग्रहणपछि मुख्यमन्त्री पौडेलले तीन नम्बर प्रदेशलाई सम्बृद्ध बनाउने गरि प्रदेश सरकारले काम गर्ने बताए ।
मुख्यमन्त्री पौडेलले आजै दुई जनालाई मन्त्रीमा नियुक्त गरेका छन् । उनले आन्तरिक मामिला तथा कानून मन्त्रीमा माओवादी केन्द्रका शालिकराम जमरकट्टेल र भौतिक पूर्वाधार तथा योजना विकास मन्त्रीमा एमालेका केशव स्थापितलाई नियुक्त गरेका हुन् ।