पराजुलीको राजीनामाको जानकारी संवैधानिक परिषद्मा

काठमाडौं । राष्ट्रपति कार्यालयले गोपाल पराजुलीले बुझाएको राजीनामासम्बन्धी जानकारी संवैधानिक परिषद्मा पठाएको छ । पराजुलीले बिहीवार शीतल निवास पुगेर बुझाएको राजिनामा कार्यालयले संबैधानिक परिषदमा पठाएको हो ।

न्याय परिषद्का सचिवले आफूलाई सेवाबाट निवृत्त भनी पठाएको पत्र गैरकानूनी भएको भन्दै आएका प्रधानन्यायाधीसले बिहीबार दिउसो अकस्मात राजिनामा दिएका थिए ।

उनको राजिनामा दिनुपूर्वनै बिहीवार बिहानैदेखि सर्वोच्च अदालतको जिम्मेबारी कायममुकायम प्रधानन्यायाधीश दीपकराज जोशीले सम्हालिसकेका थिए । राजीनामा बुझाएपछि स्वतः पदमुक्त हुने संवैधानिक व्यवस्था भएकाले त्यसको जानकारी राष्ट्रपति कार्यालयले संबैधानिक परिषदमा पठाएको हो । प्रधानमन्त्री अध्यक्षताको संवैधानिक परिषद्, प्रधानन्यायाधीश नियुक्तिको सिफारिस गर्ने संबैधानिक निकाय हो ।