नाडाल र फेडेरर शांघाइ ओपन टेनिसको सेमिफाइनलमा

विश्व नम्बर एक राफायल नाडाल र दोस्रो बरियताका रोजर फेडेरर शांघाइ ओपन टेनिसको सेमिफाइनलमा पुगेका छन् । गएराति भएको खेलमा नाडालले ग्रिगोर दिमित्रोभलाई छ–चार, छ–सात र छ–चारको सेटमा पराजित गर्दै सेमिफाइनलमा स्थान सुरक्षित गरेका हुन । फाइनल प्रवेशका लागि अव उनको प्रतिस्पर्धा चौथो बरियताका मारिन सिलिकसँग हुनेछ । त्यसैगरी दोस्रो बरियताका स्वीस रोजर फेडेररपनि शांघाइ टेनिसको सेमिफाइनलमा पुगेका छन् । फेडेररले रिकार्ड गास्क्वेटलाई सात पाँच र छ–चारको सोझो सेटमा पराजित गर्दै अन्तिम चारमा ठाँउ बनाएका हुन । फाइनल प्रवेशका लागि उनले अर्जेिन्टनी आन मार्तिन डेल पोत्रोसँग प्रतिस्पर्धा गर्नेछन् । डेल भिक्टर ट्रोइक्कीलाई चार–छ, छ–एक, छ–चारको सेटमा हराएर अन्तिम चारमा स्थान बनाएका हुन् ।।