जम्मु कश्मीरमा लागएको प्रतिबन्ध बुधबारबाट हट्यो

कस्मिर : भारत सरकारले संविधानको धारा ३७० खारेज गरेपछि उत्पन्न परिस्थितिलाई नियन्त्रणमा लिन जम्मु कश्मीरमा लागएको प्रतिबन्ध बुधबारबाट हटाएको छ । जम्मु कस्मिरका प्रमुख सचिव कन्साल र प्रहरी अतरिक्त महानिरीक्षक मुनिर खानले आज पत्रकार सम्मेलन गर्दै सुरक्षा स्थिति पूर्ण रूपमा नियन्त्रणमा आएकाले ४ अगस्टदेखि लगाइएका प्रतिबन्ध हटाइएको बताएका छन् । अवस्था सामान्य भएकाले आजदेखि बजार, यातायात, शिक्षण संस्था र अन्य व्यवसाय पनि खुलेको खानको दाबी छ । कस्मिरका केही स्थानमा भने प्रतिबन्ध कायमै रहेको उनले बताए । सरकारले अगस्त ४ देखि जम्मु कस्मिरमा टेलिफोन, इन्टरनेटमा समेत प्रतिबन्ध लगाएको थियो । यसका साथै जम्मु कस्मिरका पूर्वमुख्यमन्त्रीहरू सहित अरू केही नेतालाई नजरबन्दमा लिएको थियो । अगस्ट ५ देखि जम्मु कस्मिर कर्फ्यूजस्तै अवस्था थियो ।