गुठीको जग्गामा स्वीकृति विना विद्यालय भवन निमार्ण हुन लागेकोमा गुठियारहरुले विरोध जनाए

काठमाडौं : काठमाडौंको पचली भैरव गुठीको जग्गामा स्वीकृति विना विद्यालय भवन निमार्ण हुन लागेकोमा गुठियारहरुले विरोध जनाएका छन् । गुठियारहरुको अनुमतिविना विद्यालय भवन निर्माण भएको उनीहरुको भनाई छ । महानगरपालिका वडा नम्बर १२ स्थित श्री महेन्द्र सरस्वती सेवा आधारभूत विद्यालयले सो गुठीको जग्गामा स्थानीय गुठियारहरुको पुर्व स्वीकृतिविना भवन निमार्ण गर्न लागेको बताएका छन् ।

२०७२ सालको भुकम्पमा विद्यालयको भवन चर्केको कारण अर्को भवन निर्माण गर्नुपर्ने बाध्यता रहेको स्थानीयले बताएका छन् ।