एभरेष्ट प्रिमियर लिगमा भैरहवा ग्ल्याडियर्टसको लगातार दोस्रो जित

काठमाडौं । रोहित कुमार पौडेलको विष्फोटक ब्याटिङमा ललितपुर प्याट्रिएट्सलाई भैरहवा ग्ल्याडियर्टसले एभरेष्ट प्रिमियर लिग ईपिएलमा ४ विकेटले हराउदै लगातार दोस्रो जित हात पारेको छ । टियु क्रिकेट मैदानमा आज भएको पहिलो खेलमा टस जिति भैरवहा ग्ल्याडियर्टसले ललितपुरलाई ब्याटिङको लागि मैदानमा उतार्यो। ललितपुरले २० ओभरमा ९ विकेट गुमाउदै १४१ रन देडयो । सुरूवात राम्रो गर्न नसकेको ललितपुरले ३ महत्वपूर्ण खेलाडी पवन सराफ १ रनमा,विदेशी खेलाडी जय किशन कोशलावाला १४ रनमा र राजवीर सिंह ८ रनमा आउट भए । यतिखेक ललितपुरले मात्र ३९ रन बनाएको थियो। तर कप्तान ज्ञानेन्द्र मल्ल र योगेश नागारले पारी सम्हाले । अर्धषतकीय पारी खेलेका नागरले ३३ बलको सामना गर्दै ७ चौक प १ छक्का प्रहार गर्दै ५४ रनको योगदान दिए । ज्ञानेन्द्रले २९ बलबाट ४२ रन जोडे । बलिङमा दिपेश श्रेष्ठले ३ तथा आरिफ शेख र पुनित मिश्राले २र२ विकेट लिए ।जवाफमा १४२ रनको लक्ष्य पछयाएको भैरवहा ग्ल्याडियर्टसले २० ओभरमा ६ विकेट गुमाउदै पुरा गर्यो । राम्रो सुरूवात गर्न नसकेपनि पुनित बिष्टको ५० र अन्तिम ३ ओभरमा युवा बलर रोहित कुमार पौडेलले ११ बलमा ३१ रन प्रहार गर्दै टिमलाई जित दिलाएका हुन । यसअघि भैरवहा ग्ल्याडियर्टसले हिजो पहिलो खेलमा काठमाञ्डौलाई ७ विकेटले हराएको थियो।