एफए कपको उपाधी आर्सनललाई, फाईनलमा चेल्सी २–१ गोलले पराजित

एजेन्सी । एफए कपको उपाधी आर्सनलले जितेको छ । गएराति भएको खेलमा चेल्सीलाई दुई–एक गोल अन्तरले पराजित गर्दै आर्सनलले उपाधी कब्जा गरेको हो । घरेलु मैदान वेम्बली रंगशालमा भएको फाइनलमा आर्सनललाई जिताउन एलेक्स सान्चेज र आरोन रामसीले एक–एक गोलको योगदान गरे ।

चेल्सीका लागि डिएगो कोस्टाले सान्त्वना गोल फर्काए । चौथो मिनेटमै सान्चेजले गोल गर्दै आर्सनललाई अग्रता दिलाएका थिए । तर ६८ औं मिनेटमा मोसिस दोहोरो पहेंलो कार्ड खाँदै मैदानबाट बाहिरिएपछि चेल्सी १० खेलाडीमा सीमित भयो ।

त्यसको ८ मिनेटपछि कोस्टाले गोल गर्दै खेल बराबारीमा पुर्‍याए । ७९ औं मिनेटमा रामसीले गोल गरेपछि आर्सनलले उपाधी आफ्नो पक्षमा पार्‍यो । आर्सनलले सन् २०१५ मा पनि एफए कपको उपाधी लगको थियो । आर्सनलले अहिलेसम्म १३ पटक उपाधि जितिसकेको छ ।