आईपीएलमा राजस्थानले बैंगलोरलाई १९ रनले हरायो

भारत । इण्डियन प्रिमियर लिग आइपीएल क्रिकेटको आइतबार भएको पहिलो खेलमा राजस्थान रोयल्स विजयी भएको छ । राजस्थानले रोयल च्यालेन्जर्स बैंगलोरलाई १९ रनले हराएको हो ।

बैंगलोरले जितका लागि २ सय १८ रनको विशाल लक्ष्य पाएको भएपनि बैङलोरले २० ओभरमा ६ विकेट गुमाएर १ सय ९८ रन मात्र बनायो । बैंगलोरका कप्तान विराट कोहलीले ५७ तथा मन्दीप सिंहले ४७ रन बनाए ।

यसअघि टस हारेर पहिला ब्याटिङको मौका पाएको राजस्थान रोयल्सले २० ओभरमा ४ विकेट गुमाएर २ सय १७ रन बनाएको थियो । राजस्थानका सञ्जु सामसनले नट आउट रहँदै ९२ रन बनाए ।